Ka Uauitshiakanniti Auenitshenat
Mamit Innuat, uitshiakanipan nete natukunitshuapissa ka takuanueni innu-assit, tshitshipanitapan tshetshi uitshiakaniti innua ka animuniti, tshetshi aiminiti mak tshetshi uitshiakaniti.
Anitshenat ua uitshikushiht nenua mitunenitshikan-natukunisha :
natu-tshissenimakanuat, e peikussiht uitshiakanuat, e mitshetiht iapit uitshiakanuat †shetshi minu-tshitutaitishuht.
Uitshiakanu auen eka katshi aitutatishut nete uitshit :
uitshiaushiuat anitshenat natukunitshuapissit kupanieshat etaht, Mamit Innuat uitshieu auennua eka katshi aitutatishuniti, uenapissish kie ma etatu minekashish.
Uitshiakanuat auassat mak ka auassiuht :
utinakanua umashinaikanuaua anitshenat auassat, ka tshitapatahk ushkat anitshenat Protection de la Jeunesse ka uitshiaht auassa. Natu-tshissenimakanuat, ua utinakanitaui uiesh, tshitapamakanuat anitshenat ua kanuenimat auassa mitshuapit kie ma ka kanuenimakaniht auassat, uitshiakanuat uitshuat, eukuannu nenu eshi-minakaniht tshekuannu anitshenat innuat tiapishiniht nete mashinaikanitshuapit.